Gjykata Penale këtë të hënë ka dhënë vendimin për dy vëllezërit të cilët ishin pronarë të qendrës së masazhit, të arrestuar pak ditë më parë.
Në vendimin e saj gjykata ka vendosur masën e sigurisë “arrest me burg” për Mario Roshin dhe “arrest shtëpie” për Andi Roshin.
Ndër të tjera mësohet se mbi Marion rëndojnë dy akuza, ajo e “shfrytëzim prostitucioni” dhe “mbajtje të lokaleve për prostitucion”, ndërsa Andi Roshi ka vetëm një akuzë, “mbajtje të lokaleve për prostitucion”.
Qendrat e masazhit në pronësi të tyre që ofronin shërbim ekstra, ndodhen në zonën e Pazarit të Ri, ne Tirane, pikërisht në afërsi të banesës së Ministrit të Brendshëm, Sandër Lleshaj.
/DRONI.al/
