“Kredinë e paguaj me pensionin që më jep nëna”, Banori nga Thumana  herë në shtëpinë e shembur, herë në çadrën e së ëmës: Asnjë ndihmë nga shteti, unë sikur s’jam shqiptar!

DENONCIMI I QYETARIT TË DËMTUAR NGA TËRMETI, ARBEN MUÇA, THUMANË, BASHKIA KRUJË

“Kredinë e paguaj me pensionin që më jep nëna”. Arben Muça nga Thumana herë në shtëpinë e shembur të djalit, herë në çadrën e të ëmës: Asnjë ndihmë nga shteti, unë sikur s’jam shqiptar! Si shumë shtëpi në Thumanë, edhe shtëpia e Arben Muçës pati dëmtime serioze nga tërmeti i 26 nëntorit 2019. Që atë ditë ai vazhdon të qëndrojë në çadrën e ngritur tek shtëpia e prindërve të tij. Në bisedën që pati me ish-deputeten e Partisë Demokratike, Orjola Pampuri, ai thotë se nuk ka marrë asnjë lloj ndihme nga shteti, as bonus qeraje dhe as ushqime. Ai gjithashtu shprehet se vetë është i papunë dhe se ka një kredi që duhet ta shlyejë. E vetmja që i ka ardhur në ndihmë është nëna e tij, e cila i ka dhënë gjysmën e pensionit. Vet Pashke Muça shprehet se edhe shtëpia e saj është e dëmtuar dhe se të vetmen gjë që kërkon nga shteti është një kontenier, pasi kur bie shi i futet uji brenda. Arben Muça: Jam banor i këtij komuniteti të Thumanës. Quhem Arben Muça. Jemi dëmtuar nga tërmeti shumë. Unë rri te shtëpia e djalit. Djali njërën dhomë e ka të banueshme, hyrja tjetër jo. Eshtë shtëpia pa kolona, është shumë e dëmtuar, kam frikë të jetoj brenda. Rri këtu te nëna në çadër. Nuk përfitoj as bonus, as qira, as ndihmë sociale, as ushqime, as kryq të kuq, asgjë. As kryq të kuq asnjë gjë. Unë si me qënë ndonjë jetim ose mos me qenë shqiptar. Nëna më jep pensionin për të likujiduar kredinë çdo muaj se kanë ardh më kanë sekuestru. Pashke Muça: Unë kërkoj një kontenier se uji i gjithi më futet brenda. Jam pensioniste, jam e sëmurë, jam me tension. Kam shkuar, kam kërkuar kudo s’më kanë sjellë një kontenier të paktën. Le të jetë i përdorur nuk e dua të rri, vetëm mos më futet uji brenda.

Publiée par Partia Demokratike e Shqipërisë sur Lundi 14 septembre 2020