Ne Shqiperi, ka disa dite qe qeveria ka njoftuar dhe ka treguar se po merr masat per te siguruar shendetin e te gjithe nxenesve dhe mesuesve qe rikthehen ne ambjentet e shkolles. Por sesa kjo eshte e sigurt, kete nuk e dime.
Gjithsesi, vendi yn fqinj Kosova ka tjeter plan dhe strategji per te siguruar sadopak shendetin e te gjitheve.
Ministri i Arsimit dhe Shkencës në Kosovë, Ramë Likaj ka njoftuar se para fillimit të vitit të ri shkollor do të testohen 1500 mësues, për të parë gjendjen e tyre shëndetësore.
Deklaratën Likaj e bëri gjatë vizitës së tij në disa shkolla në Shtime.
“Kemi marrë informata se 1500 arsimtarë në nivel të Kosovës do të testohen, që i bie mbi 6.5% të numrit të përgjithshëm të arsimtarëve për të ditur gjendjen e infeksionit ose me cilën gjendje ne po hyjmë në këtë vit shkollor”, u shpreh ai.
Ministri theksoi po ashtu se testimi ka filluar dhe se ata po zgjidhen në të rastësishme.
“Testimi ka filluar. Sot edhe në komunën e Shtimes kanë shkuar arsimtarë të përzgjedhur në mënyrë të rastësishme për tu testuar në Ferizaj.”
/DRONI.al/
