Kryeministri Edi Rama nuk ka dhënë asnjë deklaratë pas takimit me Presidentin Ilir Meta se çfarë date ka propozuar për zhvillimin e zgjedhjeve te ardhshme.
Megjithatë, burime nga mediat që po ndjekin zhvillimet, thanë se Rama nuk ka caktuar një datë specifike, por ka thënë se i pranon të gjitha datat që do të vendosë Presidenti me përjashtim të datës 2 maj kur janë Pashkët.
Takimi i kryeministrit Rama, i shoqëruar dhe nga kreu i Grupit Parlamentar të PS, Taulant Balla, me Kreun e Shtetit zgjati vetëm 10 minuta, ku duket se maxhoranca është e gatshme të pranojë çdo datë për zgjedhjet e 2021-shit.
Deri më tani, Presidenti ka zhvilluar takime me krerët e partive opozitare, të cilat janë shprehur në unison për mbajtjen e zgjedhjeve më 18 prill, ndërsa priten edhe dy takime, ai me kryedemokratin Lulzim Basha, dhe me zv.kryetarin e LSI, Luan Rama.
/DRONI.al/
