Media e madhe greke Ekathimerini në versionin online ka njoftuar sot në mëngjes se qeveria greke ka ndryshuar rregullat për dhënien e nënshtetësisë për të huajt.
Kur të aplikojnë për nënshtetësi do t’i nënshtrohen një provimi me shkrim mbi gjuhën, historinë dhe gjeografinë e Greqisë. Ky kusht parashikohet nga një draftligj i depozituar së fundmi dhe që do të konsultohet deri më 10 shtator.
Aktualisht janë në procedim rreth 30 000 aplikime shumica prej të cilave nga shqiptarë që kanë shumë vite që punojnë dhe punojnë në vendin fqinj. Të gjithë këta dhe të tjerë që ju vjen koha për tu pajisur me pasaporta do tu nënshtrohen rregullave të reja për nënshtetësi greke.. Provimi të cilit do t’i nënshtrohen aplikuesit kushton 250 euro, ndërkohë që për të sëmurët dhe njerëzit me moshë mbi 67 vjeç do të ketë lehtësi.
Por nuk merr fund me kaq. Pas provimit, ata që e kalojnë atë do të japin gjithashtu një intervistë me përfaqësues të Sekretariatit për Nënshtetësinë në Ministrinë e Brendshme, për të cilën do të paguajnë edhe 550 euro të tjera.
Vendimi prek një numër të madh shqiptarësh që kanë vite në Greqi, por mediat vendase shkruajnë se ai më shumë lidhet me të huaj të shumtë nga vende të tjera si Siria dhe Libia që së fundmi janë vendosur në vendin fqinj.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
