Mbajtja e maskës në shkollë do të jetë e detyrueshme me nisjen e vitit shkollor në datë 14 shtator.
Lajmi është dhënë nga ministrja e Arsimit Besa Shahini e cila e cilëson këtë masë si të vetmen mënyrë për mbrojtjen nga koronavirusi. Ajo ka sjellë si shembull edhe mesazhin sensibilizues të nxnësve Servete Maçi në Tiranë.
“Mbajtja e maskës është e detyrueshme, sepse kjo është e vetmja mënyrë se si ne të mbrojmë veten dhe të tjerët.
Gjithsesi, këtë më mirë e sqarojnë nxënësit e shkollës 9-vjeçare “Servete Maçi” në Tiranë nëpërmjet kësaj videoje”, shkruan Shahini.
Po ashtu dhe ministrja e shendetsise, Ogerta Manastirliu ka bere nje apel per nxenesit qe dje u kthyen ne bangat e shkolles per oret plotesuese.
Ministrja e Shëndetësisë, Ogerta Manastirliu ka bërë një apel për të gjithë nxënësit që të bëjnë kujdes dhe të respektojnë rregullat e sigurisë anti-COVID.
Manastirliu në një postim në Facebook, shkruan se nxënësit duhet të mbajnë distancën nga njëri-tjetri.
/DRONI.al/
