Një ngjarje e rëndë ndodhi mëngjesin e të hënës në spitalin Attica të Athinës në Greqi.
Një pacient shqiptar i identifikuar si Petro Çako 59-vjeç ka qëlluar me thikë infermieren dhe më pas është hedhur nga kati i katërt i spitalit duke gjetur vdekjen.
Infermieria i tregoi grupit hetimor se kishte shkuar në dhomën që mbahej pacienti pasi kishte dëgjuar alarmin për ndihmë nga dhoma e tij, por sapo ishte futur brenda ai e kishte qëlluar me një thikë kuzhine.
Dosja e tij nuk përmend ndonjë histori të sëmundjes mendore. Ai ishte në një dhomë me katër shtretër dhe i ra ziles duke thirrur infermieren për ndihmë. Pastaj ai po e priste me një thikë kuzhine pas derës dhe sapo ajo hyri, e sulmoi atë me thikë, e vuri poshtë dhe vazhdoi ta godiste me duar.
Infermierja është 32 vjeçe, e martuar dhe nënë e dy fëmijëve. Ajo ka dëmtime në kokë, gjoks dhe shpinë dhe gjendja e saj është e rëndë, por jeta e saj nuk është në rrezik.
https://youtu.be/XBiPwP9m3Mk
/DRONI.al/
