Në njoftimin e saj policia ka njoftuar se në kuadër të Operacionit Forca e Ligjit ata duhet tu përgjigjen me shkrim të gjithë pyetjeve të dërguara.
Mes këtyre 6 personave, mësohet se janë edhe dy vëllezërit Klement dhe Eldi Çala të akuzuar për grabitjen në Rinas ku u morën 4.6 milion euro dhe ku mbeti i vrarë Admir Murataj.
Klement dhe Eldi Çala u arrestuan në mars të këtij viti në Golem të Durrësit ku jetonin në një banesë me qira.
Nderkaq te denuarit e tjere janë:
-Eldi Çala
-Klement Çala
-Luan Kokomani
-Përparim Bermuça
-Durim Bermuça
-Arian Plaku
Njoftimi:
Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
• E. Ç., banues në Elbasan, i dënuar për veprat penale ”Vjedhja me armë”, ”Grupi i strukturuar kriminal” dhe ”Kryerja e veprave penale nga organizata kriminale dhe grupi i strukturuar kriminal”;
• K. Ç., banues në Elbasan, i dënuar për veprat penale “Organizata Kriminale” dhe “Vrasja për shkak të marrëdhënieve familjare”;
• L. K., banues në Tiranë, i dënuar për veprën penale “Prodhimi dhe shitja e narkotikëve”;
• P. B., banues në Durrës, i dënuar për veprën penale “Trafikimi i narkotikëve”;
• D. B., banues në Durrës, i dënuar për veprën penale “Prodhimi dhe shitja e narkotikëve”;
• A. P., banues në Durrës, i dënuar për veprën penale “Prodhimi dhe shitja e narkotikëve”.
/DRONI.al/
