V. Sh, një 37 vjeçar nga Tirana, ka patur nje skenar për t’i shpëtuar arrestimit nga Policia si një trafikant refugjatësh.
Punonjesit e policise kane qenë te angazhuar për arrestimin e tij, pasi kishte informacion se V.Sh transportonte refugjatë nga Devolli në Tiranë me makinën e tij kundrejt pagesës nga 100 euro e lart për secilin prej tyre.
Policia e Korçës, Policia Kufitare, Policia Rrugore, Komisariati i Devollit dhe Komisariati nr. 3 në Tiranë kishin siguruar siguruar informacion për të dhe më datë 23 gusht 2020, e kanë parët në fshatin Cangonj të Devollit, duke drejtuar një “Ford” dhe i janë vënë në ndjekje të tij.
Kur i kanë bërë me shenjë të ndalonte, 37-vjeçari nuk iu bind urdhrit të Policisë, por braktisi makinën dhe u largua me shpejtësi.
Gjatë kontrollit të makinës së tij, Policia gjeti 12 emigrantë të paligjshëm, të cilëve V. Sh., kundrejt fitimit prej 100 euro secilit, iu kishte premtuar kalimin drejt vendeve të BE-së.
Mirëpo, historia nuk ka përfunduar këtu. V.Sh, që ishte në kërkim nga Policia pas tërë atyre hetimeve dhe ndjekjes, shkoi me këmbët e veta në Komisariatin e Policisë nr.3, Tiranë ku bëri denoncim se i kishin vjedhur makinën që kishte marrë me qera!
Guximi i tij qe i madh përballë shumë provave, sepse Policia i ka vënë prangat për kallëzim të rremë
Dosja e tij i kaloi Prokurorisë të Rrethit Gjyqësor Korçë për veprat penale “Ndihma për kalim të paligjshëm të kufijve, kryer në bashkëpunim”, “Mosbindja ndaj urdhrit të punonjësit të policisë së rendit publik”, “Kallëzimi i rremë”.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
