Kreu i opozitës ruse dhe kritiku i Kremlin-it, Alexey Navalny, është në gjendje kome, pasi dyshohet se është helmuar, tha zëdhënësi i tij të enjten, sipas “CNN”.
Navalny, 44 vjeç, filloi të ndihej keq kur ishte në avion teksa po kthehej për në Moskë nga qyteti siberian i Tomskit, tha në Twitter zëdhënësja e tij, Kira Yarmysh. Avioni më vonë bëri një ulje urgjente në Omsk, shtoi ajo.
Ai piu vetëm çaj të zi në një kafene tek aeroporti përpara se të nisej, Yarmysh i tha radiostacionit rus “Echo”. “Supozojmë se Alexey është helmuar me diçka të përzier në çaj. Ishte e vetmja gjë që ai piu në mëngjes. Mjekët thonë se toksina ishte tretur më shpejt nga lëngu i nxehtë”, ka shkruajtur në Twitter Yarmysh.
Edhe pas shume polemikash dhe tentativash per te mos e lejuar, kritiku i madh eshte nisur per ne Berlin per trajtim me te specializuar, ndersa mesohet se ka rene ne koma.
/DRONI.al/
