Në vijim të hetimeve që po kryen prokuroria e Tiranës për çështjen e skandalit seksual ku tre vajza dyshohet të jenë ngacmuar seksualisht nga Doga, hetuesit gjatë verifikimeve kanë zbuluar dhe një skandal tjetër.
Sipas Shqiptarja.com nga kjo listë pagese, rezulton se për gati 7 vite e gjysëm, Abaz Doga, pedofili që ishte punësuar të ruante natën dy shkolla në Kamëz, paguhej me një rrogë të mirë nga bashkia Kamëz dhe Zyra Arsimore Kamëz. Nga ana tjetër ai abuzonte seksualisht me nxënëset e shkollave ku shërbente si roje.
Pagesa mujore e Abas Dogës, si roje shkolle, për çudi ka qënë sa e një pedagogu, ku për vitet nga janari 2012 deri në nëntor 2015, Abaz Doga është paguar nga Zyra Rajonale e Arsimit Kamëz, fillimisht me pagën bruto prej 54,970 lekë të reja duke vijuar deri në vitin 2015 me pagën bruto prej 60,719 lekë të rinj. Në dokumentacionin që zotëron “Shqiptarja.com” rezulton se Abaz Doga, në muajin dhjetor 2015, ka hyrë në borderonë e Bashkisë Kamëz, pasi një pjesë e punonjësve të institucioneve shtetërore si roje, edukatore dhe pastruese i kaluan me VKM pushtetit lokal. Në dhjetor 2015, periudhë kur bashkinë e Drejtonte Xhelal Mziu i PD, pedofili Abaz Doga, vijonte të paguhej me pagën mujore bruto 60,719 lekë të reja. Ka pasur 1 muaj kur Abaz Doga, është paguar dhe 29,688 lekë të reja por dhe një muaj në shkurt 2018, kur Doga është paguar në shumën prej 68,880 lekë të reja.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
