Guardia di Finanza dhe Zyra e Doganave në Ankona, kanë sekuestruar në ditët e fundit 10 mijë maska maska filtri pëlhure.
Sipas mediave italiane, bëhet me dije se maskat, të cilat vinin nga Shqipëria janë sekuestruar pasi nuk kishin etiketën e origjinës.
Hetuesit deklarojnë se vlera e tyre shkon rreth 10 mijë deri në 250 mijë euro nëse do të shiteshin në treg. Pritësi i këtyre mallrave është denoncuar ndërkohë në Dhomën e Tregtisë në Itali.
Mungesa e të dhënave në fakt mund të mashtrojë konsumatorin, një shkelje e ligjit italian 350/2003.
“Gjatë veprimtarisë së kontrollimit të mallrave, pasi kanë konstatuar mungesën e indikacioneve për vendin e prodhimit të maskave dhe, nga ana tjetër, në prani të paketimeve të bëra tërësisht në italisht , ishin të nevojshme hetime të mëtejshme, të cilat konstatojnë origjinën shqiptare. Por që për këtë mall nuk u tregua vendi i origjinës dhe kishin një paketim tërësisht në italisht. Në fakt ato dyshohet se vinin nga Shqipëria. Mashtrimi për origjinën e mallit shkaktoi konfiskimin administrativ”, njoftoi policia italiane.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
