Mjeksia ligjore konstaton se vdekja e 67 vjeçares Veronika Ramadani në Laprakë, ka ardhur për shkaqe natyrale.
Pas daljes së autopsisë, policia ka liruar edhe djalin e saj, Julian Zisi, i ndaluar menjëherë pasi nëna u gjet e pajetë në banesë.
Paraprakisht u dyshua se ngjarja lidhej me djalin e saj, pasi ky i fundit, 45 vjeç, kishte probleme mendore.
“Në vijim të informacionit paraprak të dhënë mëngjesin e sotëm, ku në rrugën “Gjon Kastrioti”, në Laprakë, është gjetur pa shenja jete, në banesë, shtetasja V. R., 67 vjeçe, ju bëjmë me dije se:
Nga tërësia e veprimeve hetimore dhe nga ekspertimi mjeko-ligjor ka rezultuar se në trupin e viktimës nuk janë konstatuar shenja dhune dhe se vdekja ka ardhur për shkaqe natyrale
Materialet i kaluan Prokurorisë së Rrethit Gjyqësor Tiranë, për veprime të mëtejshme”,-njofton policia.
/DRONI.al/
