Vetëm gjatë dy javëve të fundit në Lezhë janë ndëshkuar 12 subjekte ë ushtronin aktivitet publik duke realizuar dasma, por nuk ka asnjë të ndëshkuar në Kurbin dhe Mirditë.
Pas situatës së krijuar dhe mbylljes përfundimtarë të këtyre bizneseve, pronarët e tyre kërkojnë që qeveria të rishikojë paketën e mbështetjes financiare edhe për ta.
“Ka selektivitet dhe mos respektim të aktit normativ në mënyrë të barabartë”.
Kështu deklarojnë për mediat, pronarët e lokaleve të dasmave në Lezhë, të cilët protestuan sot, pasi pretendojnë se ashpërsia e policisë po bëhet vetëm ndaj subjekteve në Bashkinë e Lezhës, por nuk ndodh kështu në Kurbin e Mirditë.
Sipas tyre kështu ndodh edhe në qytete të tjera, ku dasmat zhvillohen normalisht madje duke marrë edhe ato tashme të anuluara në Lezhë për shkak të COVID-19.
Këto biznese kërkojnë vlerësim të situatës dhe trajtim të njëjtë për të gjitha subjektet në të gjithë vendin.
/DRONI.al./
/DRONI.al/
