Presidenti Ilir Meta këtë të premte ka miratuar ligjin për ndryshimet në Kodin Zgjedhor.
Meta në reagimin e tij thekson se ndryshimet në Kodin Zgjedhor janë i vetmi produkt i marrëveshjes konsensuale të 14 Janarit dhe të 5 Qershorit të dakordësuara në Këshillin Politik, që mundëson vijimin e sigurtë të rrugëtimit Europian të Shqipërisë.
Ndër të tjera ai thekson se këto ndryshime ishin dakortësimimi i të gjithë palëve politikë në vend.
Gjithashtu kreu i shtetit edhe një herë bën thirrje palëve politike se dialogu politik, gjithëpërfshirës, transparent dhe i sinqertë ndërmjet forcave politike për të gjitha çështjet që prekin zgjedhjet është e vetmja rrugë që e afron Shqipërinë me Bashkimin Europian dhe e bën Reformën Zgjedhore në përputhje me standardet e OSBE/ODIHR.
/DRONI.al/
