Damian Gjiknuri ka zbuluar ofertën e mazhorancës për opozitën jashtëparlamentare në ditën e sotme lidhur me ndryshimet kushtetuese, Listat e Hapura dhe koalicionet parazgjedhore.
Sipas GJiknurit fillimisht duhet të miratohen ndryshimet kushtetuese dhe më pas diskutohen në Këshillin Politik listat e hapura 100% dhe koalicionet parazgjedhore.
Ai shprehet se këto ndryshime nuk ndalojnë koalicionet parazgjedhore si dhe do të garantohet diskutimi i modeleve të sistemeve proporcionale rajonale me Lista të Hapura që ka paraqitur opozita jashtëparlamentare sot si ai Letonez, Holandez dhe Belg.
PROPOZIMET
1. Miratimi i amendimeve kushtetuese te cilat edhe sipas opinionit te eksperteve te pavarur te atashuar prane Keshillit Politik nuk pengojne as hapjen 100% te listave te kandidateve dhe as koalicionet parazgjedhore.
2. Reflektimin me pas te ketyre amendimeve kushtetuese ne ligjin elektoral permes nje procesi diskutimi ne Keshillin Politik.
3. Persa i takon shqetesimit te opozites jashteparlamentare per ceshtjen e modaliteteve te krijimit dhe regjistrimit te kandidateve nga koalicionet parazgjedhore, kjo eshte nje ceshtje qe percaktohet ne Kodin Zgjedhor. Ne fazen e nderhyrjes ne Kod, pervec ekspertizes qe do te merret nga ODIHR, te shqyrtohen te gjitha opsionet e artikuluara nga opozita jashteparlamentare gjate diskutimeve te deritanishme ne Keshill, sic jane modeli Letonez/Hollandez, Belg. Gjithashtu te hulumtohet cdo model i nje vendi te OSBE qe aplikon sistem proporcional rajonal me lista te hapura si ky qe ka Shqiperia.
Nderkaq kryeministri Edi Rama ka nje mesazh per opoziten pas mbledhjes se fundit.
Miqve të PD u them shumë thjeshtë: Kuvendi në 30 korrik voton hapjen e listave dhe këtë jo ju, po as ne nuk e ndryshojmë dot, sepse ky është qartësisht vullneti i shqiptarëve edhe përtej partive që sot janë në parlament! Fatmirësisht risitë kushtetuese nuk pengojnë asgjë për ju!
Ju doni lista të hapura 100%! Votimi i 30 korrikut nuk e pengon këtë.Jemi gati ta diskutojmë pa humbur asnjë ditë pas 30 korrikut. Ju doni koalicion parazgjedhor s’e nuk ndaheni dot nga LSI! As këtë s’e pengon votimi i 30 korrikut. Edhe këtë e zgjidhim po të keni vullnet pozitiv.
Shkurt, pengesa juaj sot nuk është as kushtetuese,as juridike,po thjesht politike!Ju doni të merrni peng hapjen e listave e të zvarrisni procesin me alibira absurde.Por për këtë s’keni konsensus nga ne dhe mund ta bëni pa ne, siç bëtë kur dogjët mandatet e kur ikët nga zgjedhjet!
Shqipëria është shumë e vogël për sherre e mosdakordësira që zmadhohen nga hiçi dhe pushteti shkon e vjen po Shqipëria mbetet, prandaj mendoni pak më shumë për Shqipërinë dhe pak më pak për sherrin e radhës, se me sherr as keni fituar e as fitoni dot ju, po lëndohet Shqipëria!
/DRONI.al/
