Autoritetet në Trikala të Greqisë po shqyrtojnë përfshirjen e një bashkëatdhetari 30-vjeçar, në rastim misterioz të vdekjes së 16-vjeçares shqiptare Maria. Hetuesit thonë se vajza e ka takuar shpesh kohët e fundit këtë person.
Sipas informacioneve nga RealNews, 30-vjeçari ende nuk është thirrur për të dëshmuar, por kjo do të ndodhë, pasi të mërkurën e ardhshme oficerët e policisë do të kenë në duart e tyre rezultatet nga celulari i 16-vjeçares, mesazhet dhe thirrjet që ajo kishte shkëmbyer, por edhe pikat e telefonave celularë të tjerë që u gjetën në zonë atë natë.
Në të njëjtën kohë, policia e Trikalas po ekzaminon video nga kamerat e sigurisë që tregojnë se Maria 16-vjeçare po shëtiste vetëm në rrugët e qytetit në orët e para të 15 korrikut.
Pak më herët, një polic 26-vjeçar e kishte lënë jashtë shtëpisë së saj. Ai kishte pasur një takim me të.
Videoja me lëvizjet e 16-vjeçares është regjistruar rreth orës 4:30 të mëngjesit nga kamerat e vendosura në zonën e Varousia dhe konkretisht jashtë shtëpisë së një prodhuesi të njohur të qumështit. Ky është regjistrimi i fundit, i cili tregon vajzën që po shkon drejt kodrës së Profit Ilias, ku në mëngjes u gjet e vdekur nga një kalimtar, i cili njoftoi policinë.
/DRONI.al/
