Policia e Durrësit ka ndëshkuar me gjobë 1 milion lekë administratorin e një lokali, pasi organizoi dasmë në kundërshtim me rregullat e vendosura në kuadër të pandemisë.
“Strukturat e Drejtorisë Vendore të Policisë Durrës, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në fshatin Shkallnur, një lokal që kishte organizuar dasmë në kundërshtim me Aktin Normativ, duke mos respektuar distancën e sigurisë midis personave. Për këtë subjekt me administrator shtetasin G. H., shërbimet e Policisë kanë vendosur masë administrative 1.000.000 lekë”,-njoftoi policia,
Mësohet se lokali në fshatin Shkallnur kishte organizuar dasmë, duke mos respektuar distancën e sigurisë midis personave.
Sakaq, Policia e Durrësit apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese.
/DRONI.al/
