A shpërndahet koronavirusi përmes ajrit?! Ja çfarë thotë mjeku Edvin Prifti

Mjeku i njohur kardiolog, Edvin Prifi deklaroi se ka shumë studime në lidhje me pandeminë dhe përhapjen e koronavirusit.

I ftuar në emisionin “Kjo Javë” Prifti theksoi se nuk i qëndron tezës së shpërndarjes së virusit përmes ajrit, ndërsa ai shtoi se nëse do të ishte ashtu, numrat e viktimave do të ishin në rritje.

“OBSH ka problemet e veta me situatën e krijuar, por të mundohemi të flasim shkencërisht. Që në momentet e para janë reflektuar disa të dhëna shkencore, që ndoshta juve ju duket çudi, që kishin të bënin me disa regjistrime në autobusët e Ëuhanit. Pacienti që ishte pozitiv, matej distanca që ishte larg nga personi negativ dhe përmes kësaj distance ishte e pamundur që të merrej virusi përmes spërklave. Që aty, nga disa struktura, që nuk u dhanë më, filloi një konceptimi i sëmundjes, që ka shumë të ngjarë që ky të jetë aerogen. U mendua se mund të jetonte për disa minuta përmes ajrit, dhe më vonë pati disa studime në Europë që e jepnin një mbijetim të virusit në kushtet e ajrit deri në 30 minuta. Studimi i fundit fare ka qenë deri në 3 orë. Në rast se ka studime të tjera që e zgjasin këtë periudhën, mbetet për t’u parë efekti i faktit se ky virus nuk futet në kategorinë e viruseve që ndryshonin shpesh. Por ndryshojnë ama, ka kushtet e veta. Nëse ka ndodhur një mutacion i ri, kjo është frika. Shumica e viruseve, që i krijon natyra, jep mundësi që të zbuten pasi kanë një postulatë të vetën; nuk mund të krijojë një gjallë që më pas ta vrasi një gjallë tek e cila jeton. Ky virus fillon dhe evoluon drejt një forme më të butë ndaj njeriut. Ky virus, që të ketë efekt mutant, që të bëhet aerogen, atëherë do të përbënte një episod shumë të rëndë për njëzimin. Nuk mendoj se jemi përballë kësaj alternative, pasi do të kishim një numër tjetër në Itali, Spanjë apo Britani.

Nuk mendoj se jemi në kushtet që ajri i kondicionuar të transmetojë këtë virus. Pse? Sepse në rast se do ishim përballë kësaj situate, numri i rasteve të vdekjeve në vendet e tjera nuk do të shkonte drejt uljes. Do shkonte drejt një rritje të madhe, në shifra të paimagjinueshme, të pakonceptueshme. Por këtu duhet të ngrihet një klauzolë që të flitet për këtë lloj virusi. Jo më larg se pak ditë më parë ka dalë një formë mutante e virusit, që është më infektuese, por më pak vdekjeprurëse. Maskat, distancimi, jeta më pak komunitare, janë mënyrat dhe teknikat për të reduktuar kontaminimin dhe shpërhapjen e virusit. Vendimet e Komitetit Teknik për karantinën, kanë qenë korrekte. Merendoj se ai është një komitet është përbërë nga njerëz të specialiteteve përkatëse. Ky virus ka dalë nga forma e sëmundjeve klasike. Nuk është mjekim që bëhet nga një specialitet, por kërkon dhe mjekë të tjerë. Ka nevojë për mikrobiologë, gjenetistë, reanimatorë.

Ky do të ishte i vetmi sugjerim që mund të bëja. Në Itali përllogariten rreth 280 mjekë që kanë humbur ketë. Ne kemi humbur një anëtar të trupit pedagogjik, Arjan Pushin dhe një koleg tjetër. Dy nga një regjiment nga ata pak mjekë që punojnë në Shqipëri. Ka pasur mjekë dhe infermierë të infektuar dhe kjo është normale, pasi trajtojnë jo vetëm pacientë me COVID. Mjeku është punë publike, dhe është në kontakt të vazhdueshëm me popullatën. Rreziku është më i madh. Termin që “QSUT është vatër infeksioni”, ky është term pexhorativ. QSUT është vatër e dijes, e mirë apo e keqe, më e mira që kemi. Përveç problemeve, QSUT është e vetmja vatër e dijes që disponojmë ne vendin tonë. Është vatra kryesore e luftës për jetën e njërit në vendin tonë.”, tha Prifi.

/DRONI.al/