Kryeministri Edi Rama ka treguar sot se çfarë do ndryshojë dhe çfarë nuk do të preket në marrëveshjen e arritur me Opozitën e Bashkuar në tryezën Politike të 5 qershorit.
Rama ka thënë se nuk behet fjalë për ndryshim sistemi, por do të qëndrojë sistemi proporcional rajonal që është aktualisht.
Kryeministri Edi Rama ka thënë se mbështetja për Listat e Hapura tregon që ai nuk ka prioritet komoditetin e tij por ajo që PS të reflektojë interesat dhe ambiciet e shoqërisë.
Po ashtu nuk do të preken zonat zgjedhore, kërkesë kjo e opozitës së re. Ndërkohë që kryeministri pohoi se e vetmja kërkesë që do të pranohet është hapja e listave të deputetëve.
Ndërkohë që kryeministri ka thënë se KQZ do të ndryshojë, por sipas dakordësisë së arritur me opozitën jashtë parlamentare (PD-LSI).
”Pra, kemi vendosur të mbështesim një hapje të listave dhe t’i japim mundësi çdo zgjedhësi të zgjedhë subjektin dhe të shprehë preferencën e tij për deputetin apo deputeten. Është një vendim i cili reflekton bindjen tanimë se hapja e listave përkon me dëshirën e një mase shumë të madhe qytetarësh shqiptarë që shkon shumë përtej një shumice apo pakice qeverisëse. Siç e tha Taulanti, përtej asaj që do të ishte zgjidhja më e thjeshtë dhe në pamje të parë më komode për një parti të madhe por edhe për mua personalisht”,-shprehet Rama.
https://www.facebook.com/edirama.al/videos/827249024345748
/DRONI.al/
