Basha zbulon ofertën e Ramës: Më dërguan ndërmjetës për të bërë pazar

“Ti kryeministër, unë president, vetëm të heqim koalicionet”, Basha zbulon për hërë të parë mesazhet e Edi Ramës për pazar: Edi Ramës nuk i bëhet vonë për njerëzit, merakoset vetëm për pushtetin e tij

“Dua të përsëris diçka që e kam thënë në një emission. Për jë muaj e gjysëm, Edi Rama ka dërguar ndërmjetësit e tij, pothuaj çdo ditë me të njëjtin mesazh “Ti kryeministër, unë president, vetëm të heqim koalicionet.” Edi Ramës nuk i bëhet vonë për njerëzit. Për këtë, besoj, nuk ka nevojë të zgjatem, se është në fund, në ikje dhe bëmat e gjëmat e tij, i njeh çdokush. Edi Rama merakoset vetëm për pushtetin e tij. “heqim koalicionet dhe ti kryeministër, unë president”. Kështu e shikon Edi Rama politikën, si një pazar të ndyrë, si një lojë me porta të vogla për të vjedhur e zhvatur Shqipërinë, siç ka bërë këto 7 vite e gjysëm. Kryeministri në ikje nuk e prek dot Kushtetutën me 122 deputetë, nga të cilët gjysma nuk përfaqësojn askënd, përveçse paratë e Taulant Ballës dhe favoret me të cilat janë blerë dhe shitur. Çdo hap në këtë drejtim është fund i Marrëveshjes së 5 Qershorit, është dhunim flagrant i konsensusit të arritur për Shqipërinë dhe shqiptarët”, tha Basha.

Ne vijim Basha tha se nuk ka konsensus per ndryshimin e sistemit.

“Nuk ka konsesus për ndryshimin e sistemit. Vetëm një budalla mund të besojë që që tha sot Rama që pikat që ai do të ndryshojë paskan nevojë për konsultimet me opozitën.

Për kodin zgjedhor paska nevojë, për kushtetutën nuk  e beson. Këtë nuk ka budalla në Shqipëri ta besojë. Për një muaj e gjysmë ai ka dërguar ndërmjetësit e tij me një mesazh, ti kryeministër, unë president vetëm të heqim koalicionet. Rama merakoset vetëm për pushtetin e tij.

Rama e shikon reformën si një lojë me porta të vogla për të vjedhur Shqipërinë. PD kurrë nuk e ka përjashtuar diskutimin për sistemin. Unë kam kërkuar një parlament me dy dhoma dhe dy valvula kontrolli. Rama kontrollon gjithë pushtetet dhe i përdor ato vetëm për pasurimin e tij”, tha Basha.

“Njeriu që kontrollon sot qeverinë, gjysëmparlamentin, të gjitha bashkitë e vendit me përjashtim të kryebashkiakes së Shkodrës, policinë e shtetit, grupet kriminale, drogën, oligarkët, ekonominë, tenderat, PPP-të, koncesionet, kontrollon gjithçka në këtë vend, është kaq i tmerruar nga zgjedhjet, kaq i obsesuar me mbajtjen me çdokush dhe kundër vullnetit të shqiptarëve të pushtetit, kaq i vendosur të bëjë gjithçka për të ndalur të pandalshme, rotacionin politik në vend, sa që donte të hiqte edhe komisionerët e opozitës.

Diskutimi i sotëm nuk është për listat e hapura. Diskutimi i sotëm është për koalicionet parazgjedhore të cilat prej fillimit të demokracisë kanë qenë përherë një realitet i pluralizmit politik i sanksionuar në Kushtetutë, i sanksionuar në Kartën Europiane të të Drejtave të Njeriut. E drejta për t’u bashkuar dhe bashkëpunuar në konklurimin politik. Ky është halli i vërtetë i Edi Ramës. Sot ranë edhe dorezat, edhe maskat”,-eshte shprehur Bbasha.

/DRONI.al/

/DRONI.al/