Një prej lajmeve më të diskutuara pak javë më parë ishte “shtatzënia” e Çiljetës. Sipas lajmit që qarkulloi me shpejtësi nëpër portale, këngëtarja dhe partneri i saj, futbollisti Alban Hoxha do të bëheshin prindër për herë të parë, dhe se ajo ishte në muajt e parë të pritjes së ëmbël.
I menjëhershëm ishte reagimi i Çiljetës, e cila e mohoi lajmin me një shkrim në rrjetet sociale.
Ndërsa ditën e djeshme, e ftuar te “Rudina”, këngëtarja ka sqaruar si e përjetoi këtë “boom” në media.
“E kalova me sportivitet. Mendova: Çfarë po na bëjnë, njëherë na ndajnë, njëherë na bashkojnë, njëherë na bëjnë shtatzënë… Unë gjërat nuk i mbaj dot, i them vetë. Nëse do kem diçka, do ta ndaj”, -tha këngëtarja, e cila e mbylli duke thënë se “Ato punë i di Zoti”.
/DRONI.al/
