VIDEO/Policia derë më derë për të kontrolluar të infektuarit: Kemi emrat në listë

Policia e Shtetit i ka bërë thirrje të gjithë qytetarëve që janë infektuar me koronavirus, të mos dalin nga shtëpia, pasi listat e përditësuara zotërohen nga autoritetet. Dhe per te bere kontrollet, polici nuk mjaftohet me vezhgimin ne rruge, por po u shkon njerezve ne shtepi.

Nëpërmjet një videoje nga Korça ku shihet se policia ka shkuar të kontrollojë familjet që janë në karantinë, nëse ndodhen apo jo në shtëpi, i bëhet thirrje qytetarëve që të respektojnë karantinimin për të frenuar përhapjen e virusit.

“Policia e Korçës apelon për të gjithë qytetarët që të respektojnë distancimin social, lokalet dhe bizneset të respektojnë protokollet e sigurisë, të prekurit nga COVID-19 të respektojnë detyrimisht vëtëkarantinimin, duke bërë të mundur që të gjithë bashkë të kontribuojmë në parandalimin e përhapjes së COVID-19”, shkruhet ndër të tjera.

Njoftimi i plotë:

Strukturat e Drejtorisë Vendore të Policisë Korçë dhe të Komisariateve në varësi të saj vijojnë kontrollet e herëpashershme në banesat e të prekurve nga COVID-19, me qëllim kontrollin për respektimin me rigorozitet të vetëkarantinimit, për të bërë të mundur parandalimin e përhapjes së COVID-19.

Në qarkun Korçë, Policia disponon të gjitha listat e përditësuara me personat e prekur nga COVID-19 dhe zhvillon kontrolle të përditshme tek çdo person, gjatë ditëve të vetëkarantinimit.

Policia e Korçës apelon për të gjithë qytetarët që të respektojnë distancimin social, lokalet dhe bizneset të respektojnë protokollet e sigurisë, të prekurit nga COVID-19 të respektojnë detyrimisht vëtëkarantinimin, duke bërë të mundur që të gjithë bashkë të kontribuojmë në parandalimin e përhapjes së COVID-19.

/DRONI.al/

/DRONI.al/