Sebastiano Mali, nipi 22-vjecar i Prel Markut, ekzekutuar në Angli vite më parë nga Hekuran Billa, ka mohuar të ketë lidhje me ekzekutimin e disa ditëve më parë në zonën e komunës së Parisit.
Mesohet se i riu nuk e pranon të ketë lidhje me vrasjen e 40-vjeçarit Billa. Në dëshminë e tij para policisë ka deklaruar se prej muajsh jeton në zonën e ish-klubit Partizani në Tiranë.
Ai më tej ka treguar se kohët e fundit ka marrë një mjet “BMW” X6 me qira për të lëvizur.
I pyetur për lëvizjet e tij ai ka mohuar se e ka ndjekur 40-vjeçarin. “Kisha marrë një mjet “BMW X6″ me qira. Nuk e kam gjurmuar viktimën, isha në zonë për qejf”, ka deklaruar Mali.
Makinat e përdorura nga Viktor Marku, i cili është shpallur në kërkim, e Sebastjano Mali kanë qenë të marra me qira në Shkodër nga familjarë të Sebastjanos. Për këtë arsye, policia ka shoqëruar edhe 2 të rinj nga Shkodra.
/DRONIi.al/
