Policia është vënë në kërkim të një gruaje bionde, rreth 45 vjeç, e cila shfaqet në kamerat e sigurisë teksa ulet përtokë dhe merr diçka.
Besohet se sendi që gruaja e panjohur merr dhe përvetëson nga ky veprim është një unazë martese që u kallëzua e humbur nga një burrë. Sipas një burimi zyrtar, kallëzimi u regjistrua nga shtetasi me inicialet P. T. Ai pretendoi para policisë se i kishte humbur unaza, e më pas i pyetur nga oficeri T. M, ai ka dhënë gjithashtu edhe detaje.
Shtetasi P.T ka rrëfyer në polici se ditën e humbjes së unazës së martesës, ai kishte shkuar për të bërë pazarin në tregun e fruta-perimeve që gjendet në rrugën “Vasil Shanto dhe pasi ka larë duart ka humbur edhe unazën.
“Aty në rrugë, një burri i ra të fikët dhe unë u mundova ta ndihmoj. Më pas, aty erdhi ambulanca dhe e mori, pas kësaj u afrova te dyqani i fruta-perimeve dhe kërkova pak dezinfektues për të pastruar duart. Unë nuk e diktova që unaza më ra. Bleva qershi dhe u largova”, mësohet të ketë thënë kallëzuesi.
Më pas ka kuptuar se unaza e martesës i mungonte, kallëzuesi e ka kërkuar por më pas është vënë në dijeni se unazën e a gjetur një grua, që sipas tij ka pretenduar se është e saja.
“Më thanë në dyqan që unazën e gjeti një grua përtokë, që kishte këmbëngulur që ishte e saja, pastaj hapëm kamerat dhe ashtu ishte.Një grua ulet dhe merr diçka”, rrëfen burri, i cili këmbëngul në kërkesën e tij për gjetjen e gruas që më pas do t’i kthejë unazën e rëndësishme.
/DRONIi.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
