Dënohet me 10 muaj burg Muharrem Zelija i arrestuar në shkurt të këtij viti për kërcënimin e Drejtorit të Përgjithshëm të Burgjeve, Agim Ismaili.
Vendimi u dha nga gjyqtari Artan Gjermeni.
Ndalimi i Zelijës nga policia u bë tre muaj pasi ai i kishte dërguar në orët e vona të natës një mesazh Ismailit, ku i shkruante: “Të kemi çuar fjalë me njerëz dhe duhet të tërhiqesh, ndryshe ke për ta pësuar keq ti dhe familja jote. S’keni ku të fshiheni.”
Identifikimi i personit në fjalë është bërë i mundur përmes numrit të IMEI-t të celularit, duke qenë se kartën me të cilën Muharrem Zilja, ka kërcënuar Ismailin e ka hedhur dhe në të njëjtin celular ka vendosur numrin tjetër të gruas.
/DRONI.al/
