Kryeministri Edi Rama në një dalje publike në lidhje me situatën e shkaktuar nga koronavirusi, deklaroi se rritja e rasteve të të infektuarve ishte e pritshme.
Duke folur për situatën, Rama u shpreh ndër të tjera se me hapjen e vendit, është e pritshme që rastet me të infektuar të rriten. Po ashtu, kreu i qeverisë theksoi se nëse rritja e rasteve vazhdon do të na duhet që të rimbyllemi.
“E kemi ditur dhe kemi thënë se numrat do të rriten. Pasojat janë gjëja më normale. Që po u ndodh të gjitha vendeve, ku më shumë e ku më pak. Ju kam kërkuar, ju kemi kërkuar vijimisht nevojën për një solidaritet të ri dhe respektimin e rregullave. Me polici e ushtarë mund të kontrollosh mbylljen, por nuk mund të disiplinosh.”, tha Rama.
“Nëse do të vijojmë kështu, fatkeqësisht do të na duhet të rimbyllemi dhe të përballojmë me shumëfish sekëlldinë që provuam kur u mbyllëm dhe pasojat e plagëve që morëm nga mbyllja e parë. As në mend nuk dua ta coj këtë, pasi kam bindjen se ende e kemi vetë në dorë. Numrat janë shqetësues, por në kontroll, testimet janë rritur’, tha Rama.
Rama tha se nga diskutimi me ekspertët është vendosur që për shkak të rritjes së frikshme të shifrave të të infektuarve ditët e fundit nuk do të lejohen më grumbullimet er mëdha, qoftë edhe politike si dhe do ketë gjoba dhe heqje lirie për bizneset që nuk respektojnë protokollet e sigurisë për shkak të pandemisë.
https://www.facebook.com/edirama.al/videos/261939418415671/?t=12
/DRONI.al/
