Aeroporti I Rinasit ka njoftuar nisjen e procedurës së pushimit kolektiv nga puna të një numri të madh të punonjësve të vet.
“Për shkak të dobësimit të ekonomisë shqiptare dhe asaj botërore, ne parashikojmë që veprimtaria tregtare e TIA-s do të vijojë të jetë në rënie. Nisur nga kjo situatë e vështirë, TIA është e detyruar që të ndërmarrë masa me qëllim parandalimin e humbjeve të mëtejshme ekonomike dhe për të siguruar vazhdimësinë e biznesit të saj. Duke qenë se për arsyet e sipërpërmendura është e pamundur që i gjithë stafi të zihet me punë, TIA ka vendosur të fillojë procedurën e pushimit kolektiv nga puna”, lexohet në njoftimine TIA-s.
Numri i punonjësve që shkurtohen do të jetë 52. Aeroporti I Rinasit ka siguruar fitime marramendëse në Shqipëri për shkak të kontratës monopol të siguruar shumë vite më parë nga qeveria socialiste e Fatos Nanos.
