Banori i Seattle Michael Flor, i njohur si pacienti qe qendroi me gjate ne spital ne betejen kunder Covid-19, tani ka ne xhep nje fature miliona dollarë pasi doli nga spitali, njoftoi Seattle Times të Premten.
Ai ka kaluar 62 ditë në njësinë e kujdesit intensive, duke kaluar dhe në një gjendje kome. Gjendja e tij shëndetësore u rëndua aq shumë, sa që mjekët lajmëruan familjarët për t’i dhënë lamtumirën.
Mirëpo gjendja shëndetësore e Michael mori një kthesë përmirësimi, derisa ai tashmë ka arritur ta mposhtë sëmundjen. Ajo që e ka shqetësuar shumë atë, është fakti se fatura e spitalit ishte shumë e shtrenjtë, plot 1.1 milionë dollar.
Megjithëse i moshuari është i siguruar, kompania nuk ka marrë përsipër pagimin e plotë të tarifës. Një pjesë e mirë e shumës do të paguhet nga vetë ai.
“Ndihem në faj që mbijetova. Kjo ndjenjë më shtohet kur shikoj se sa shumë ka kushtuar”, u shpreh Flor.
/DRONI.al/
