Policia hungareze zbuloi një tunel të përdorur nga emigrantët për të kaluar kufirin nga Serbia, tha të hënën TV shtetëror serb (RTS).
Tuneli u zbulua gjatë një operacioni nga policë dhe ushtarë hungarezë për të parandaluar kalimin e paligjshëm të më shumë se 300 emigrantëve. Policia tha se tuneli ishte 24 metra i gjatë nga serbia në pjesën hungareze të kufirit, duke shtuar se ky është tuneli i tretë i zbuluar në zonën kufitare gjatë vitit të kaluar.
Autoritetet hungareze kanë raportuar një rritje të numrit të kalimeve të paligjshme që nga fundi i majit me gati 900 emigrantë që u përpiqen të hyjnë në shtetet e Bashkimit Evropian vetëm javën e kaluar.
Zyrtarët hungarezë ritheksojnë se Hungaria nuk do të heq gardhin, por do të forcojë mbrojtjen e kufijve të Shengenit në mënyrë që të parandalojë që emigrantët të hyjnë në territorin e BE në mënyrë të paligjshme.
/DRONI.al/
