Mjeku i njohur Petrit Vargu i ftuar në emisionin “Pasdite me Xhaxhiun” në Fax News, tha sot se nuk jane grumbbullimet shkaku i perhapjes se covid por spitalet.
Vetem ditën e sotme u regjistruan 36 raste të reja ndersa numri i personave qe jane shtruar ne infektiv eshte rritur papritur.
Vargu u shpreh se testet për COVID-19 që po bëhen tani duhet të ishin bërë që në periudhën mars-prill në mënyrë të tillë që mos të përhapej edhe më shumë virusi.
“Me masat që u morën me mënyrën sesi komuniteti shkencor veproi duke i mbajtur ison kryeministrit, vetëm më distancim social dhe fizik, pa masa konkrete, dhe për këtë fakt situata ka dalë jashtë dore. Sot ne po shpenzojmë dhe po bëjmë ato teste që duhet të ishin bërë në mars dhe në prill. Situata mendoj se ka dalë totalisht jashtë dore.
Po drejtohet nga njerëz jo kompetente, pasi COVID-19 e panë si një mjet propagande. Stafi shkencor duhet të ishte në krye dhe komuniteti të ishte profesionist dhe kompetentë. Duhet të bashkoheshim në ato zëra sporadike. Sot ndodhi ajo, që në institucionin që duhet të ishte fortesa siç është spitali, sot kemi dy vatra, që janë të rrezikshme për shpërndarjen e COVID-19. Nuk kemi parë asnjëherë drejtorin e spitalit për të dhënë një deklaratë, në lidhje me masat që ka marrë. Nëse shkojmë në një spital privat shohim që masat janë krejtësisht të ndryshme.”- tha Vargu.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
