Ne muajin Janar, Partia Demokratike ka akuzuar kryetarin e Bashkisë së Matit Agron Malaj se ka falsifikuar formularin e dekriminalizimit.
“Ky është rasti i pestë që konfirmon se Edi Rama ka ardhur në pushtet falë mbështetjes së krimit dhe ndan pushtet me krimin. PD i kërkon Prokurorisë së Përgjithshme dhe KQZ të administrojë pa vonesë vendimin e Gjykatës së Matit dhe për heqjen e menjëhershme të mandatit për Agron Malajn”, tha Bardhi.
Por Prokuroria ka kthyer përgjigje në lidhje me Malajn, pas hetimeve që ka kryer dhe organi i akuzës ka mbyllur hetimet. Ndersa vete Malaj tha se është dënuar, por se e ka treguar atë në formularin e dekriminalizimit.
Ne dokument thuhet se për Matajn nuk rezulton të ketë indicie apo të dhëna a rrethana, fakte të bëra publike apo informacion, për:
– Veprimtari kriminale të kryer jashtë territorit të Republikës së Shqipërisë.
– Urdhër kërkimi ndërkombëtar lidhur me kryerjen e e ndonjë vepre penale prej tij.
– Marrjen e ndonjë mase dëbimi ndaj tij.
– Përdorimin e gjeneraliteteve të tjera.
Dokumenti i datës 8 qershor firmosur nga prokuri Sokol Stojani, do t’i dërgohet Komisionit Qendror të Zgjedhjeve dhe Partisë Demokratike.
/DRONI.al/
