Policia e Spanjës vuri në pranga një shqiptar, i cili kërkohej për trafik ndërkombëtar të lëndëve narkotike.
Autoritetet spanjolle e kanë arrestuar shqiptarin ndërsa ka qenë i izoluar në shtëpinë e tij për shkak të pandemisë së re të koronavirusit.
Ai u arrestua në shtëpinë e tij, ku agjentët sekuestruan më shumë se 40,000 euro në monedha të ndryshme (euro, dollarë amerikanë dhe dollarë kanadezë), njëzet orë prej ari, xhevahire të shumta, të cilat kapnin vlerën e më shumë se një milion euro. Gjithashtu u sekuestruan tre kompjuterë, gjashtë telefona celularë dhe një dronë.
Sipas mediave spanjolle, shqiptari trafikonte kokainë nga Amerika Latine drejt Evropës. Shqiptari i shumëkërkuar ishte i pajisur me dokumentacion kolumbian dhe ekuadoras.
/DRONI.al/
