24 orë pas vrasjes së 26 vjeçarit Kristian Breshanaj, krimi mbetet pa autor. Policia e Vlorës ka punuar gjatë gjithë këtyre orëve për kapjen e autorëve, ngritjen e pistave të hetimit si dhe trajektoren që kanë ndjekur autorët.
Pista kryesore e hetimeve është jeta dhe aktiviteti i tij në Belgjikë, mesohet nga burimet e policise.
Pra policia po heton në 3 pista, koha e qëndrimit dhe aktiviteti në Belgjikë, larja e hesapeve dhe trafikim i lëndëve narkotike.
Nga burimet brenda policisë së Vlorës konfirmohet se autorët kanë qenë të maskuar. Ata kanë goditur nga brenda makinës duke u afruar pranë viktimës, kanë qëlluar me silenciator për mos u dëgjuar krismat.
Ngjarja e rëndë ka ndodhur pranë zonës së quajtur “7 pallatet”, ku si pasojë e plumbave të marra ka gjetur vdekjen menjëherë Kristian Breshanaj, 25-vjeç. Breshanaj kishte vetëm 3 muaj që ishte kthyer nga Belgjika, djalë i një mjeku reanimator në Spitalin e Vlorës.
//DRONI.al/
