Nje lajm qe terhoqi vemendjen ne kohe pandemie ishte dhe infektimi i disa te burgosureve ne burgjet e Tiranes, historia e se ciles me vone nuk u mesua me se çfare ndodhi dhe si u bllokua infektimi.
Drejtori i Përgjithshëm i Burgjeve Agim Ismaili ka raportuar ditën e djeshme në “Komisionin e Sigurisë” për masat e marra nga “Institucionet e Vuajtjes së Dënimit” në bashkëpunim me “Institutin e Shëndetit Publik” në kuadër të epidemisë nga Covid-19.
ABC News ka siguruar raportin e Drejtorit të Burgjeve për Komisionin e Sigurisë, ku eshte raportuar edhe si është futur Covid-19 në burgjet shqiptare.
“Të gjithë të burgosurit e infektuar u vendosën në ambientet e posaçme të karantinimit, ndaj të cilëve vijoi mbikëqyrje shëndetësore e posaçme, përfshirë edhe dietën ushqimore të dedikuar për raste të të infektuarve me Covid (rritje të sasisë së lëngjeve etj.) Gjithashtu si rrjedhojë e të njëjtit kujdes mbikëqyrje e survejance, u detektuan edhe në IEVP 302 dy raste me Covid, nga hetimi për të cilat rezultoi se janë infektuar gjatë zhvillimit të një seance gjyqësore – gjatë së cilës kanë qenë për një kohë të caktuar në të njëjtën hapësirë (kafaz) me të burgosur që dolën më pas të infektuar tek IEVP 313 – të akuzuar për të njëjtën çështje”, thuhet në raport.
Më tej në raport është paraqitur edhe situata shëndetësore e të burgosurve të infektuar, përkatësisht 19 raste në burgun 313 “Jordan Misja”, dhe dy të tjerë në burgun 302 “Mine Peza”.
“Situata shëndetësore e të burgosurve është ndjekur në dinamikë nga stafi i kujdesit shëndetësor në burgje.Deri tani janë konstatuar dhe konfirmuar 21 raste të të burgosurve me COVID-19, përkatësisht 19 raste në IEVP “Jordan Misja” dhe 2 raste në “Mine Peza” – aktualisht janë të shëruar të gjithë (çertifikuar nga strukturat epidemiologjike), përveç një të burgosuri i cili vijon të mbahet në kushte të mira karantinimi dhe ka gjendje shëndetësore të mirë”, raportoi Ismaili.
ABC News mësoi se i burgosuri i parë i infektuar në burgjet shqiptare ishte Hekuran Hoxha, i njohur ndryshe si “Roni i Shijakut”.
//DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
