Në protestën e djeshme morën pjesë grupe të ndryshme nga shoqëria civile, qytetarë si dhe anëtarë të opozitës.
Ditën e sotme bëhet e ditur se lidhur me këtë protestë, që cilësohet si e paligjshme, janë proceduar artistët Robert Budina, Neritan Liçaj, Adriana Kalaja, Artan Manushaqa si dhe Stresi.
Artistët dhe Stresi janë proceduar për bllokim rruge dhe moslejimin e kalimit të automjeteve.
Mesohet se efektivët arrestuan edhe Arben Qyranin, sepse sipas tyre, ka hedhur sende e lëndë piroteknike në drejtim të turmës, duke iu rrezikuar jetën personave të pranishëm.
Protestat do te vijojne duke filluar nga e nesermja ne oren 17:30 dhe Aleanca ka mbeshtetjen e opozites deri ne fund.
NJOFTIMI I POLICISE
Organizuan protestë të paligjshme, procedohen penalisht 9 persona.
Specialistët për Hetimin e Krimit në Komisariatin e Policisë Nr. 1, në përfundim të veprimeve të kryera në lidhje me protestën e paligjshme të zhvilluar në Bulevardin e Kombit, proceduan penalisht në gjendje të lirë 9 shtetas.
Procedimi ndaj tyre nisi pasi, më datë 18 maj 2020, rreth orës 16:30, kanë protestuar në mënyrë të paligjshme, pa lejen e organeve kompetetente, duke prishur rendin dhe qetësinë publike, aq më tepër në situatë të jashtëzakonshme në kohë pandemie, ku ndalohen me ligj grumbullimet apo tubimet.
Shërbimet e Policisë kanë proceduar penalisht, për veprën penale “Organizimi dhe pjesëmarrja në grumbullime e manifestime të paligjshme”, shtetasit:
R. B., N. L., A. K., A. M., L. B., M. K., Ç. Gj., F. M. dhe A. L.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
/DRONI.al/
