Ka përfunduar takimi i kreut të PD-së Lulzim Basha me ambasadorët e vendeve të BE-së dhe aleatët. Basha tha se ai iu ka kërkuar ndihmë ambasadorëve për të çuar përpara integrimin e vendit në BE.
Edhe pse zyrtarisht nga opozita nuk ka një qëndrim të prerë për bojkotimin e Këshillit Politik, kryetari i Partisë Demokratike Lulzim Basha nuk ka dha një përgjigje të prerë nëse do të kthehen në tryezë.
Basha bëri përgjegjëse PS për bllokim të reformës zgjedhore, duke deklaruar se opozita nuk mund të jetë fasadë.
“Kthimi në tryezë nuk varet nga ne, nuk mund të jemi fasadë e këtij procesi. Vullneti nuk shprehet me fjalë por me vepra. Kurrë më shumë se sot topi nuk ka qenë në derën e PS. Ata refuzuan propozimet tona. E kemi imperative zgjidhjen e krizës përmes zgjedhjeve të lira dhe të ndershme. Përgjegjësia për mbarëvajtjen e reformës dhe përmbylljen brenda afateve të përcaktuara është e PS. Fasadë nuk mund të jemi”,-u shpreh Basha.
https://www.facebook.com/lulzimbasha.al/videos/905538153228232/?t=470
/DRONI.al/
