Kryetari i PD, Lulzim Basha ka ngritur në Sukth shqetësimin se banorët përveçse po vuajnë pasojat e tërmetit nuk po marrin asnjë ndihmë për kujdes shëndetësor për situatën e krijuar nga koronavirusi.
Sipas Bashës, Rama i ka braktisur shqiptarët, ndërsa mënyra si ai menaxhon situatën ka goditur rëndë ekonominë.
“Sukthi dhe banorët e tij ende vuajnë pasojat e tërmetit të nëntorit. Asnjë ndihmë për banorët me shtëpitë e shkatërruara, asnjë kujdes për situatën e pandemisë që i ka çuar në varfëri të tejskajshme banorët e Sukthit.
RAMAVIRUSI ka goditur rëndë këtë zonë dhe banorët e saj që sot më shumë se kurrë ndihen të braktisur dhe të lënë në harresë. Shtëpi të rrënuara dhe në pragshembje pas tërmetit, asnjë ndihmë financiare apo ushqimore, varfëri e shtuar, papunësi dhe mjerim. Kjo është gjendja e Sukthit sot.
Alarmi i qytetarëve që takova në Sukth është dëshmi e qartë e pandemisë ekonomike që ka prekur shqiptarët. Rama i ka braktisur shqiptarët. Ai dhe oligarkët e tij kanë vetëm një qëllim, të vjedhin taksat e shqiptarëve për t’u pasuruar në kurriz të qytetarëve të braktisur pa ndihmë dhe kujdes”,-shkruan Basha.
/DRONI.al/
