Mjeku infeksionist Pëllumb Pipero ka komentuar lehtësimin e masave, për të cilat veçon se lokalet e natës dhe shkuma party-t në plazhe nuk duhet të hapen.
Duke iu referuar plazhit, doktor Pëllumb Pipero tha se rëra dhe uji i detit janë pozitive, sepse luftojnë infeksionet, qoftë edhe koronavirusin. “Uji i detit pastron lëkurën dhe rrugët e frymëmarrjes, forcon mekanizmat mbrojtës, u bën masazh muskujve dhe u kthen fortësinë, gjithashtu ndikon pozitivisht për hundën dhe fytin”– shpjegon Pipero.
“Lokalet e natës nuk do ti këshilloja të hapeshin, në asnjë mënyrë. Edhe këto shkuma party-t, nuk do i këshilloja”, tha Pipero. Mjeku siguroi prindërit të dërgojnë fëmijët në çerdhe pa asnjë problem sepse fëmijët nuk e përhapin virusin, mund ta marrin nga të rriturit por vetë nuk e përhapin.
“Edukatoret të kenë maska dhe të lajnë duart. Dorezat nuk i këshilloj fare unë. Edukatoret ndoshta duhet të kenë protokolle të veçanta, tju bëhet tampon ose tju matet temperatura…”, tha mjeku Pipero në “Opën”.
/DRONI.al/
