Komisioni i Pavarur i Kualifikimit ndërpreu rivlerësimin për prokuroren e Shkodrës Marjana Shtjefni.
Prokurorja kishte kërkuar dorëheqjen pranë Këshillit të Lartë të Prokurorisë në dhjetor 2019.
Në vendimin e zbardhur, prej trupë së posaçme për të shqyrtuar dorëheqjet e përbërë nga Pamela Qirko, Etleda Çiftja dhe Lulzim Hamitaj, thuhet se konfirmohej “vullneti i pavesuar i subjektit për dorëheqje”.
Në vendim KPK thotë se ishte vendosur ndërprerja e procesit të rivlerësimit dhe po ashtu vendosur edhe kufizimi për të mos lejuar përfshirjen në sistemin e drejtësisë për 15 vjet. “Të deklarojë humbjen e së drejtës së këtij subjekti për t’u emëruar gjyqtar ose prokuror i çdo niveli, anëtar i Këshillit të Lartë Gjyqësor ose i Këshillit të Lartë të Prokurorisë, Inspektor i Lartë i Drejtësisë ose Prokuror i Përgjithshëm, për një periudhë 15-vjeçare”, thuhet në vendim.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
