Shkodra ka shënuar një rast të ri me Covid 19 në 24 orët e fundit, ndërsa janë kryer në total rreth 14 testime. I infektuar ka rezultuar një infermier në spitalin rajonal të Shkodrës, zonë e cila vazhdon të mbetet vatër e rrezikshme.
Në 24 orët e fundit janë zbuluar vetëm 4 raste të reja me Covid 19, në Tiranë, Kamëz dhe Shkodër. Në të gjithë vendin aktualisht janë 187 persona aktivë me COVID19, kryesisht ne Tiranë, Krujë, Shkodër, Kamëz.
Situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 28 pacientë dhe vetëm 3 prej tyre janë në terapi intensive. Prej më shumë se 10 ditësh nuk kemi asnjë humbje jete.
/DRONI.al/
