Në Kukës sot është konfirmuar gjatë 24 orëve të fundit një tjetër rast i ri me koronavirus.
Burime të njësive vendore të shëndetesise në Kukës, bejnë me dije për abcnews.al se rasti i shfaqur në Kukes, është rast i importuar, pasi personi i infektuar, ishte riatdhesuar nga Kosova dhe po qëndronin në karantinë në njërin prej hoteleve të Kukësit.
Të njëjtat burime bëjnë me dije se personi në fjale është nga Tirana dhe në hotel po qëndronte së bashku me 15 shtetas të tjerë të riatdhesuar dhe në periudhe karantine.
Me konfirmimin e rastit janë marrë tamponët për të gjithë personat e karantinuar dhe rezultatet kanë dale negative.
Personi i infektuar është transferuar për në Tiranë.
/DRONI.al/
