Gjykata ka dhënë masën “burg pa afat” për 24 vjeçarin nga Taxhikistani i identifikuar si Komron Zukhurov. 24 vjecari u arrestua në Tiranë i akuzuar si pjesë e ISIS.
Ndërkohë, avokati i tij mbrojtës Asllan Dogjani, është shprehur se ai ka ardhur me vizë, dhe ka qëndruar tek halla e tij. Dogjani ka theksuar se i riu nuk është arrestuar, por ka shkuar vullnetarisht në polici.
I riu dyshohej si anëtar dhe pjesëmarrës në një organizatë të huaj terroriste, e themeluar si celulë terroriste në Gjermani për të bërë xhihad në emër të shtetit islamik (ISIS).
24-vjeçari Komron zukhurov pritet të ekstradohet drejt Gjermanisë për t’u përballur me drejtësinë atje për akuzat që rëndojnë mbi të.
/DRONI.al/
