Lehtësimi i masave kufizuese ka rikthyer dhunën në familje.
Dy persona janë arrestuar në flagrancë nga policia e Elbasanit. Njëri akuzohet për ushtrim dhune ndaj nënës së tij, ndërsa tjetri për plagosjen e bashkëjetueses së tij.
“Specialistët për Hetimin e Krimit në Komisariatin e Policisë Elbasan arrestuan në flagrancë për veprën penale “Dhuna në familje”, shtetasin H. H., 27 vjeç, banues në Elbasan, pasi ka ushtruar dhunë fizike dhe psikologjike ndaj nënës së tij;
Po kështu në pranga ka përfunduar edhe B. K., 63 vjeç, banues në Elbasan, pasi ka plagosur me mjet të mprehtë (thikë) bashkëjetuesen, e cila pasi ka marrë mjekim në spital është larguar në banesë, jashtë rrezikut për jetën”,-njofton policia.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.
/DRONI.al/
