Policia e Durrësit njofton se ka arrestuar dy persona, të cilët janë përfshirë në ngjarje kriminale.
Uniformat blu të qytetit bregdetar thanë se kanë arrestuar një 36 vjecar, pasi ka plagosur dy shtetas të tjerë. Ndërsa, një tjetër qytetar në Durrës u procedua në gjendje të lirë për ndërtim pa leje.
Njoftimi i Policisë së Durrësit:
Arrestohet në flagrancë një 36-vjeçar dhe procedohet në gjendje të lirë një shtetas tjetër. Specialistët për Hetimin e Krimeve në Komisariatin e Policisë Durrës arrestuan në flagrancë shtetasin:
Ll., 36 vjeç, banues në Sukth, pasi më datë 26.04.2020, ka goditur për motive të dobëta, me sende të forta shtetasin V. K., 40 vjeç, i cili ndodhet nën kujdesin e mjekëve, dhe shtetasen A. K., 39 vjeçe.
Gjithashtu u procedua në gjendje të lirë shtetasi V. K., pasi u konstatua duke ndërtuar një mur rrethues në banesën e tij, pa lejen përkatëse.
Materialet i kaluan Prokurorisë së Rrethit Gjyqësor Durrës, për veprat penale “Plagosja e lehtë me dashje”,”Plagosja e rëndë me dashje” dhe “Ndërtim pa leje”.
/DRONI.al/
