Fasonerite apo ambjentet me shume punonjes brenda jane kthyer ne vatra te koronavirusit dhe dita dites raportohen rritje te numrit te te prekureve me koronavirs.
Nga Kruja sot raportohen 5 raste të reja pozitive. Katër prej tyre janë punëtorë të një fasonerie në qytet, ndërsa i pesti është anëtar i familjes së një prej të prekurve.
2 prej tyre janë të shtruar në spitalin Infektiv në Tiranë, 3 të tjerët në shtëpi. Me 5 rastet e reja numri i të infektuarve në Krujë shkon në 23.
Ndërkohë Kurbini raportoi 12 raste të reja me Covid-19.Me rastet e reja numri i të infektuarve në Kurbin shkon në 19.
Në Krujë janë mbi 2000 banorë, shkruan shqiptarja.com, familjarë, të afërm të të prekurve që janë vetëizoluar pasi dyshohet si të prekur me COVID-19. Situata përkeqësohet për shkak se në Drejtorinë e Shëndetit Publik të Krujës, ka vetëm 8 epidemiologë nga 27 bluza të bardha në këtë qendër, e për pasojë e bën më të vështirë edhe gjurmimin e rasteve të reja.
Më këtë qytet janë 27 fasoneri, nga të cilat vetëm 7 janë vetëpezulluar, teksa pjesa tjetër ka vijuar punën normalisht.
/DRONI.al/
