“Masat e reja ndëshkuese nuk bëjnë derman”, Vokshi: Kodi i ndryshuar Penal mbron vetëm të drejtat e pushtetit të dhunshëm

Ish-deputetja Albana Vokshi ka reaguar së fundmi në rrjetet sociale lidhur me ndryshimet e miratuara dje ne Kuvend per ashpersimet ne Kodin Penal. 

Vokshi shkruan e bindur se ashpërsimi i masave për dhunën në familje- janë propagandë e qeverisë që po tenton të mbulojë dështimin spektakolar me dhunën në familje.

Sipas saj, Në 4 vite qeverisje, qeveria dhe Rama nuk arritën të mbrojnë asnjë viktimë të dhunës në familje, një prej tyre edhe gjykatëse. Ne analizen e saj, Vokshi thotë se problemi nuk qëndron te Kodi Penal e masat ndëshkuese. Problemi kryesor, sipas saj, është që lufta kundër dhunës në familje nuk ka qene kurrë prioritet e nuk është marrë kurrë me seriozitet nga Qeveria Rama 1&2.

POSTIMI I ISH-DEPUTETES

Kodi Penal i një pushteti të dhunshëm! Ndryshimet #Antikushtetuese të Kodit Penal, ashpërsimi i masave për dhunën në familje- janë propagandë e qeverisë që po tenton të mbulojë dështimin spektakolar me dhunën në familje.

Në 4 vite qeverisje nuk arritën të mbrojnë asnjë viktimë të dhunës në familje, një prej tyre edhe gjykatëse. Statistikat e #dhunës në #familje në Shqipëri kanë treguar që rritja e masës së ndëshkimit të dhunuesve nuk ka sjellë uljen e numrit të rasteve të dhunës.

Problemi nuk qëndron te Kodi Penal e masat ndëshkuese. Problemi kryesor është që lufta kundër dhunës në familje nuk ka qene kurrë prioritet e nuk është marrë kurrë me seriozitet nga Qeveria Rama 1&2. Nëse ke shkatërruar me sukses në 7 vite një mekanizëm të tërë referimi, masat e reja e të vjetra ndëshkuese, nuk bëjnë derman.

Në dhjetor 2017, 10 deputetë të PD mes të cilëve edhe Kryetari i PD Basha, propozuan një rezolutë me nisma konkrete për disa insitucione shtetërore shoqëruar me afatet përkatëse, që nëse zbatoheshin do të reduktonin ndjeshëm dhunën në familje.

Rezoluta e PD kërkonte:
Rishikimin dhe forcimin e të gjithë mekanizmave për mbrojtjen e viktimës dhe vënien në dispozicion të mjeteve të nevojshme për rastet e dhunës apo edhe të rrezikut për jetën, duke mirëpërcaktuar detyrimet e pushtetit qendror, pushtetit vendor, Policisë së Shtetit, prokurorisë, parlamentit, shoqërisë civile e medias. Po ashtu, Rezoluta parashikonte edhe masa për ndihmë të drejtpërdrejtë për forcimin ekonomik të grave që kishin pësuar dhunë.

Por, më shumë se dy vjet pas miratimit në Kuvend të kësaj rezolute, Qeveria nuk ka marrë asnjë masë, nuk është bërë asgjë për implementimin e saj. Shifrat e dhunës në familje, krahasuar me dy vjet më parë, janë alarmante. Duket njëjtë me bilanci lufte!

Një studim i fundit i OSBE ka publikuar shifra tronditëse: 67% ose rreth 1 milionë gra në Shqipëri pësojnë një formë dhune. Janë mbi 2600 raste dhune në ditë, ku rreth 1800 raste mbeten të padenoncuara.

Arësyet?
– Mekanizmi i referimit të dhunës në familje është #shkatërruar;
– Kryeministri bëhet shpesh nxitës i dhunës në familje;
– Institucionet shtetërore nuk #mbrojnë #gratë, por #dhunuesit, kriminelët, trafikantët apo familjarët e deputetëve te Ramës.

Kodi i ndryshuar Penal mbron vetëm të drejtat e pushtetit të dhunshëm dhe këtë dëshmoi votimi sot në parlament i dënimeve me burg, për secilin prej nesh, që del nga shtëpia pa lejen e Edi Ramës!

#NdryshimetNëKodPenalAntikushtetuese

/DRONI.al/

/DRONI.al/