Sipas veterinerëve pronarët e maceve të cilët janë vetëizoluar apo kanë shfaqur simptoma të COVID-19 duhet ti mbajnë macet në ambiente të mbyllura për të parandaluar përhapjen e virusit me anë të gëzimit të tyre.
Sipas Shoqatës Britanike të Veterinerëve kafshët me gëzof mund të jenë transmetues të virusit nëse kanë kontakt me njerëz të infektuar.
‘Pronarët e maceve që janë infektuar me COVID-19 apo thjesht janë vetëizoluar ne u këshillojmë që gjatë kësaj kohe ti mbajnë dhe macet brenda nëse është e mundur. Virusi mund të gjendet dhe të transmetohet nëpërmjet gëzofit ashtu si nga sipërfaqe të objekteve të tjera si tavolinave apo bravave të dyerve. Është e rëndësishme që njerëzit të mos krijojnë panik pasi deri më tani nuk rezulton që virusi të transmetohet nga kafshët. Nga një numër I vogël rastesh rezulton që qentë nuk shfaqin simptoma ndërsa macet shfaqin shenja klinike të sëmundjes. ‘ shprehet Shoqata Britanike e Veterinerëve.
Ata theksojnë që ky sugjerim më pas duhet të vlerësohet dhe praktikohet nga pronarët e maceve ‘vetëm nëse maceve të tyre u pëlqen qëndrimi në ambientet e shtëpisë ‘.
Kanë qenë të pakta rastet në të cilat kafshët kanë rezultuar pozitive për COVID-19, ndër të cilat një tiger në kopshtin zoologjik të Bronx. Megjithatë nuk ka prova që kafshët mund ta transmetojnë virusin te njerëzit.
Shumë shtete në të gjithë botën kanë marrë masa për distancim social me qëllim parandalimin e përhapjes së COVID-19, por macet lihen nga pronarët e tyre të dalin rrugëve afër shtëpisëe mund të kenë kontakt me njerëz të tjerë.
Një studim I fundit I kryer në Kinë zbuloi që macet mund të preken nga COVID-19 dhe mund të infektojnë njëra-tjetrën, edhe pse nuk shfaqën shenja të sëmundjes. Qentë nga ana tjetër sipas studimit nuk preken nga ky virus.
Megjithatë, ekspertët deri më tani e kanë hedhur poshtë mundësinë e transmetimit të virusit nga kafshët të njerëzit dhe I bëjnë thirrje pronarëve të kafshëve shtëpiake të mos shqetësohen nga të tilla hipoteza e të vazhdojnë ti kushtojnë rëndësi higjenës personale dhe larjes së vazhdueshme të duarve.
DRONI.al/CNN:Përgatiti: Elsa Hoxha
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
