Numri i personave që kanë humbur jetën nga koronavirusi në Kosovë është rritur në katër. Së fundmi, autoritetet e shëndetit në vend kanë njoftuar se ka ndërruar jetë një 65-vjeçar me Covid-19.
Pacienti ka pësuar një atak kardiak. 65- vjeçari nga Ferizaj, ishte me diabet.
Sakaq, mediat kosovare raportojne se një zyrtar i Ministrisë së Shëndetësisë ka rezultuar pozitiv me Covid-19 ditën e djeshme. Kështu e ka konfirmuar, të martën, zëdhënësi i Ministrisë së Shëndetësisë Faik Hoti.
Hoti ka deklaruar:
“Po mund t’ju konfirmojmë se një zyrtar i Ministrisë së Shëndetësisë ka dalë dje pozitiv me Koronavirus. Ai momentalisht nuk është në Ministri dhe personat që kanë qenë në kontakt me të i janë nënshtruar testit dhe tani presim rezultat.”
Ne kosovë, pozitive rezultojnë gjithsej 170 raste me 4 raste të vdekjes të cilët kanë pasur sëmundje të tjera shoqëruese.
//DRONI.al/
