Detaje për pacientët e shtruar te Infektivi, Bino: 7 në terapi intensive

Shefja e departamentit të Epidemiologjisë ne Institutin e Shendetit Publik, Silva Bino ka thënë se në total në Infektiv janë të shtruar 79 persona, prej të cilëve, 4 janë të intubuar dhe në gjendje kritike për jetën.

“Në shërbimin infektiv aktualisht janë 79 të shtruar. 7 prej tyre janë në terapi intensive ndërsa 4 nga këta janë të intubuar. Pjesa tjetër e të shtruarve në pavion janë në gjendje të stabilizuar deri në këto momente. Ndërkohë në spitalin COVID 2 “Shefqet Ndroqi” kemi 1 pacient të shtruar” tha Bino.

Harta e të prekurve nga COVID-19 zgjerohet në Tiranë, Durrës, Kavajë dhe Korçë, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit.

Shpërndarja gjeografike e rasteve pozitive

– Tiranë                       140 raste

– Durrës                       29 raste

– Lushnje                     4 raste

– Elbasan                     5 raste

– Fier                          23 raste

– Kavajë                      5 raste

– Rrogozhinë                2 raste

– Korçë                       16 raste

– Vlorë                       5 raste

– Shkodër                   8 raste

– Lezhë                      5 raste

– Berat                      1 rast

– Has                       2 raste

– Krujë                    5 raste

-Tropojë                  4 raste

– Pukë                    3 raste

– Mirditë                 2 raste

/DRONI.al/